Sgrech y Môr

Casia Wiliam

Stori llawn antur yn troi o gwmpas bachgen o'r enw Sion. Mae'n mynd i aros gyda'i fodryb yn ystod gwyliau'r haf ac o dipyn i beth, mae Sion yn darganfod ei fod yn hanu o deulu'r sipsiwn Cymreig.

ISBN: 9781847717429

Pris: £5.95

Adran: Arddegau, Ffuglen, CA2 (7-11 oed), CA3 (11-14 oed), Ffuglen Arddegau

Cyfrwng: Clawr Meddal

Iaith: Cymraeg

Nifer y tudalennau: 128

Oedran darllen: 9-13

Mwy o wybodaeth

Adolygiadau

"Nofel brydferth, hamddenol. Dyma nofel gyntaf yr awdur ac un dda yw hi hefyd. Does yma ddim gimics; dim ceisio'n rhy galed i fod yn glyfar... Llwyddodd yr awdur i greu cymeriadau argyhoeddiadol a thrwy ei hysgrifennu cywrain a sensitif, dengys yr hyn sy'n wirioneddol bwysig mewn bywyd. Ardderchog." - Helen Angharad Evans, Barn

Dyma nofel gyntaf Casia Wyn a dydi hi ddim yn eich siomi. Dringo coed, camu i ogofâu dirgel wrth y môr, dod ar draws iaith ddieithr, trafferth yn y tywyllwch, stormydd mellt a tharanau a fflyd o gymeriadau difyr – mae'r rhain oll yn peri i ni holi: pryd mae'r antur nesaf? - Llinos Griffin, Gwales

Broliant

Mae Siôn Watcins wrth ei fodd yn dringo a fforio ac mae'n casau gwaith ysgol.Mae gwyliau'r haf ar y gorwel ac mae Siôn yn ysu am ryddid.

Ond heb rybudd, mae'n gorfod mynd i aros gydag Anti Beth ym mhentref Rhos y Grug, yn gorfod cadw llygad ar Gel, y ci gwallgo, a threulio'i amser gyda'r llipryn Morus.

Daw antur annisgwyl i droi byd Siôn ben i waered ac mae môr-ladron, sipsiwn, a lluniau rhyfedd o gwmpas y pentref yn siwr o'i wneud yn haf i'w gofio.

Hefyd yn y gyfres

Hefyd gan yr awdur

Mwy gan Casia Wiliam