Dyma hunangofiant "Mr Patagonia" ei hun, Elvey MacDonald. Ganwyd a magwyd Elvey yn llwch y Wladfa a chyflwynir golwg unigryw o'r lle yn y gyfrol hon, sy'n chwalu'r rhamantiaeth arferol gan ddarlunio tlodi ei gyndeidiau ac, yn wir, tlodi ei deulu ei hun a'r frwydr gyson i gael dau ben llinyn ynghyd. Law yn llaw a'r tlodi cawn storiau sy'n dod a'r Gaiman a Threlew yn fyw o flaen ein llygaid wrth iddo ddarlunio bywyd diwylliannol, crefyddol a gwleidyddol y rhanbarth yn ogystal a'i fywyd personol ei hun.
Eisteddfodau Cymru aeth a'i fryd wrth iddo ddychwelyd i Gymru ac ymuno a staff yr Eisteddfod Genedlaethol am bum mlynedd cyn cael ei apwyntio yn brif drefnydd Eisteddfod Genedlaethol yr Urdd, a hynny am bron i chwarter canrif. Do, wynebodd broblemau yn y ddwy eisteddfod, ond hefyd daw gwen i'r wyneb wrth iddo adrodd y troeon trwstan a'r doniol tra bu yn y swyddi hyn. Fel y gall pawb sy'n adnabod Elvey ddisgwyl, cawn ei farn yn onest a hynny heb flewyn ar dafod wrth iddo adrodd am rai digwyddiadau digon anodd...
