Osian Roberts: Môn, Cymru a'r Bêl

Hunangofiant is-reolwr tim pêl-droed Cymru, Osian Roberts. Yn ogystal ag edrych yn ôl ar ei fywyd fel chwaraewr a hyfforddwr, mae'n dadansoddi'r ymgyrch ragorol i gyrraedd rowndiau terfynol Ewro 16 ac yn rhoi cip ar y paratoadau ar gyfer Ffrainc a thu hwnt.

ISBN: 9781784612276

Pris: £9.99

Adran: Cofiannol, Hunangofiant, Pêl-droed, Sir Fôn

Cyfrwng: Clawr Meddal

Iaith: Cymraeg

Mwy o wybodaeth

Adolygiadau

Yn ol Osian, fu 'erioed gwell graen' ar y gem yng Nghymru. Ac er mor ddiymhongar y disgrifio, mae maint ei gyfraniad at y llwyddiant diweddar hwn yn glir. Dyma weld, er enghraifft, ei grwsad i wella safonau hyfforddi; ei bwyslais ar y timau cenedlaethol iau (sy'n prysur gau'r bwlch efo'r gwledydd gorau yn Ewrop); a'i ymgyrch i godi ymwybyddiaeth y chwaraewyr o'u hunaniaeth Gymraeg a Chymreig. - Rhys Iorwerth, Cylchgrawn Barn

A dyna ydy cryfder y gyfrol mewn gwirionedd; y mewnwelediad a gawn gan rywun sy'n rhan bwysig o reoli tîm Cymru yn ystod y cyfnod hwn. Down i wybod llawer am dactegau yn ystod yr ymgyrch ddiweddar, ac mae'r manylion wrth drafod y gêm bwysig yn erbyn Gwlad Belg yn ddiddorol iawn i'r rheiny ohonom sy'n awchu am gael yr holl wybodaeth fanwl am sut y mae'r tîm hyfforddi'n gweithio. Roedd y penodau a'r isbenodau byr, a'r arddull agos-atoch, yn gymorth i yrru'r darllen ymlaen a'r ysgrifennu'n ddifyr ac yn ddiddorol i unrhyw gefnogwr pêl-droed yng Nghymru, fe ddylai'r gyfrol yma fod ar y rhestr ddarllen! - Hefin Jones, Gwales

"Dylai'r llyfr hwn am orchestion a'r cymhelliant tu ol i un o ffigurau amlycaf pel droed yng Nghymru, apelio at bawb o bob oedran, yn enwedig os oes ganddynt ddiddordeb yn y bel gron. Dengys beth ellir ei gyflawni gan unigolyn efo'r awydd a'r penderfyniad angenrheidiol ac un sy heb anghofio'i wreiddiau yn Sir Fon, ei ymroddiad i'r Gymraeg ac, yn anad dim, i hyfforddi pel droed ar y lefel uchaf." - John Morris, Y Clawdd

Broliant

Hunangofiant is-reolwr tim pêl-droed Cymru, Osian Roberts. Yn ogystal ag edrych yn ôl ar ei fywyd fel chwaraewr a hyfforddwr mae'n dadansoddi'r ymgyrch ragorol i gyrraedd rowndiau terfynol Ewro 16 ac yn rhoi cip ar y paratoadau ar gyfer Ffrainc a thu hwnt.