Aeth dros hanner canrif heibio ers i Saunders Lewis draddodi ei ddarlith enwog Tynged yr Iaith, a diau i'r weithred hon ysgogi pob math o drafodaethau a geithgareddau aberthol yn yr ymdrech i achub yr iaith. Ymhlith y rhai a fu ar flaen y gad yn hyn oll oedd y diweddar Ddr. Meredydd Evans. Mynegir gwerthfawrogiad o'i gyfraniadau i'r diwylliant Cymraeg, ac, yn fwy penodol, i athronyddu drwy gyfrwng y Gymraeg, mewn teyrnged gwbl haeddiannol ohono, ar ddechrau'r gyfrol gan ei golygydd, Gwynn Matthews, ac fe gyflwynir y gyfrol er cof am Merêd a fu mor ffyddlon dros y blynyddoedd i Adran Athronyddol Urdd y Graddedigion. Ni ellid meddwl am bwnc mwy addas na chyfraniadau mwy teilwng na'r hyn a geir yn y gyfrol hon er gwireddu'r hyn a ddymunir iddi wneud.