Seiliwyd y cyhoeddiad hwn ar waith a gyflawnwyd gan yr NSPCC mewn ysgolion uwchradd. Adnodd addysgu ydyw, i'w ddefnyddio yng nghyswllt y Fframwaith Addysg Bersonol a Chymdeithasol (ABCh) yng Nghymru, i helpu pobl ifanc i gaffael yr wybodaeth, y sgiliau a'r agweddau angenrheidiol i'w cadw eu hunain yn ddiogel yn eu perthynasoedd personol, ac i ddatblygu iechyd emosiynol cadarnhaol a lles.
Gan ganolbwyntio ar ddiogelwch personol, mae'r llyfr yn mynd i'r afael a materion allweddol, megis ymwybyddiaeth o hawliau plant a phobl ifainc; iechyd a lles emosiynol; gwybod ble i droi am gymorth a chefnogaeth; perthynasoedd teuluol, cymdeithasol a rhywiol.
Mae pob adran yn cynnwys arweiniad cynhwysfawr i hwyluswyr.
Cafodd yr adnodd bywiog a rhyngweithiol hwn ei ddatblygu ar y cyd a phobl ifainc, ac mae'n darparu'r wybodaeth a'r sgiliau allweddol y mae eu hangen ar bobl ifainc er mwyn iddyn nhw allu ymdopi a rhai o'r sefyllfaoedd anodd a ddaw i'w rhan.